Ховд аймгийн шүүх, Ховд аймаг дахь Шүүхийн шийдвэр гүйцэтгэх газар-457 дугаар нээлттэй хаалттай хорих ангийн хамтарсан уулзалт 2021.01.14-ны өдөр зохион байгуулагдлаа. Хамтарсан уулзалтанд шүүхийн байгууллагын шүүгчид, шүүхийн захиргааны ажилтнууд, Шүүхийн шийдвэр Гүйцэтгэх тасгийн шийдвэр гүйцэтгэгч албан хаагчид оролцож, 2020 оны хамтын ажиллагааны чиглэлээр хийсэн ажлын үр дүнг хэлэлцэн, өнгөрсөн онд шүүхийн шийдвэр гүйцэтгэлийн гүйцэтгэх хуудасны биелэлт иргэн, захиргааны хэргийн шүүхийн хувьд 86-90 гаруй хувь, эрүүгийн хэргийн хувьд бүрэн биелэлттэй байгааг тэмдэглэн сайшааж, шүүхийн шийдвэрийн биелэлт дээшилсэн нь хамтын ажиллагааны ажлын ололт хэмээн дүгнэлээ. 2021 онд шүүхийн шийдвэрийн биелэлтийг хамтран зохион байгуулах чиглэлээр 20 гаруй ажлыг тусгасан "Хамтран ажиллах төлөвлөгөө"-г хэлэлцэн, шүүхийн Тамгын газрын дарга Д.Даваасүрэн, Шүүхийн шийдвэр гүйцэтгэх газар-457 дугаар нээлттэй хаалттай хорих ангийн дарга дэд хурандаа Д.Эрдэнэбат нар хамтарсан тушаалаар баталлаа.
