Шүүхийн тухай хуулийн 86 дугаар зүйлийн 86.1.4 дахь хэсэг болон холбогдох журамд заасны дагуу Ховд аймаг дахь шүүхийн Тамгын газрын 2022 оны байгууллагын гүйцэтгэлийн төлөвлөгөөний биелэлт, тус шүүхийн тамгын газрын 2022 оны бүтэн жилийн ажлын тайланг Ховд аймаг дахь анхан болон давж заалдах шатны шүүхийн шүүгчид, шүүхийн Тамгын газрын ажилтнуудын зөвлөгөөнд танилцуулж, санал, дүгнэлтийг хэлэлцүүлж, 2023 оны шүүхийн Тамгын газрын байгууллагын гүйцэтгэлийн төлөвлөгөөний төсөл, 2023 оны үйл ажиллагааны төлөвлөгөөнд санал авах арга хэмжээг 2022 оны 12 дугаар сарын 06-ны өдөр зохион байгууллаа. Зөвлөгөөнөөр шүүхийн Тамгын газрын 2022 оны ажлын үр дүнг "бүрэн хангалттай" хэмээн үнэлж, цаашид хэрэгжүүлэх ажлын саналыг нэгтгэн, албажуулж, Шүүхийн Ерөнхий зөвлөлд зохих журмаар хүргүүлэхээр шийдвэрлэлээ.
