Ховд аймаг дахь анхан болон давж заалдах шатны шүүх, шүүхийн Тамгын газрын 2022 оны тайлангийн ёслол хүндэтгэлийн арга хэмжээ 2022 оны 12 дугаар сарын 23-ны өдөр шүүхийн байранд зохион байгуулагдлаа.
Хүндэтгэлийн арга хэмжээнд Ховд аймаг дахь анхан болон давж заалдах шатны шүүхийн Ерөнхий шүүгчид, Тамгын газрын дарга нар шүүхийн 2022 оны ажлын үр дүнгийн талаар товч танилцуулж, хамт олондоо шинэ жилийн шинэ оны мэндчилгээ дэвшүүлсэн бөгөөд тус шүүхийн Тамгын газрын ажилтнуудаас 2022 онд ажлын амжилтаар бусдыгаа хошуучлан ажилласан Ховд аймаг дахь шүүхийн Тамгын газрын шүүгчийн туслах Хүрлээгийн Мөнхзаяа, Ховд аймаг дахь шүүхийн Тамгын газрын шүүгчийн туслах Одонпүрэвийн Ням-Адъяа, Ховд аймаг дахь шүүхийн Тамгын газрын шүүх хуралдааны нарийн бичгийн дарга Базарын Нарантуяа нарыг “Оны тэргүүний шүүхийн төрийн захиргааны ажилтан” номинацид, Ховд аймаг дахь шүүхийн тамгын газрын нягтлан бодогч Батчулууны Мөнхбаяр, Ховд аймаг дахь шүүхийн тамгын газрын нярав Ренцэнноровын Лхагвасүрэн, Ховд аймаг дахь шүүхийн тамгын газрын үйлчлэгч Эрдэнэбаатарын Дэлгэрмаа нарыг “Оны тэргүүний төрийн үйлчилгээний ажилтан” номинацид тус тус шалгаруулж, байгууллагын "ӨРГӨМЖЛӨЛ", дурсгалын зүйлс гардуулан өгсөн бол Шүүхийн Ерөнхий Зөвлөлийн "Жуух бичиг"-ээр Архив бичиг хэргийн эрхлэгч Б.Уянга, Шүүхийн Захиргааны Ажилтны Холбооны Салбар Хорооны "Тэргүүний ажилтан"-аар шүүгчийн туслах М.Мянганбаяр, Монголын Залуучуудын Холбооны "Тэргүүний залуу Алтан медаль"-иар Эвлэрүүлэн зуучлалын албаны туслах ажилтан А.Раднаабазар, Ховд аймгийн Засаг Даргын "Жуух бичиг"-ээр Үйлчилгээний хэлтсийн дарга А.Бүжинлхам, шүүгчийн туслах М.Мянганбаяр нарт шагналыг гардуулан өгч, баяр хүргэж, ажлын амжилт ерөөж, Хүндэтгэлийн арга хэмжээ амжилттай өндөрлөлөө.
