Монгол Улсын Шүүхийн Ерөнхий Зөвлөлийн Гүйцэтгэх нарийн бичгийн дарга Т.Мэндсайхан, Шүүхийн Ерөнхий Зөвлөлийн Шүүхийн мэдээлэл технологийн хэлтсийн дарга Д.Мөнхзориг, Шүүхийн аюулгүй байдал хариуцсан референт А.Насандэлгэр, Барилга захиалагчийн хяналт хариуцсан референт Ц.Цэдэндамба нарын бүрэлдэхүүнтэй ажлын хэсэг 2015 оны 03 дугаар сарын 08-11-ний өдрүүдэд Ховд аймаг дахь Иргэний хэргийн давж заалдах шатны 6 дугаар шүүх, Эрүүгийн хэргийн давж заалдах шатны 6 дугаар шүүхийн Тамгын газар, Захиргааны хэргийн анхан шатны 17 дугаар шүүх, Сум дундын 25 дугаар шүүхүүдийн Тамгын газрын үйл ажиллагаатай тус тус танилцаж, давж заалдах болон анхан шатны шүүхүүдийн нийт шүүгч, шүүхийн захиргааны ажилтнуудад Шүүхийн Ерөнхий зөвлөлийн 2014 оны ажлын тайланг танилцуулж, ажил хэргийн уулзалт зохион байгууллаа.
Шүүхийн Ерөнхий Зөвлөлийн гүйцэтгэх нарийн бичгийн дарга Т.Мэндсайхан тэргүүтэй ажлын хэсгийнхэн 2015 оны 03 дугаар сарын 10-ны өдрийн 16 цагт Ховд аймгийн Жаргалант суман дахь Ховд Их сургуулийн уулзалтын танхимд Ховд аймгийн иргэдтэй уулзалт зохион байгуулж, "Шүүхийн шинэтгэл-2014 онд”- сэдвийн хүрээнд мэдээлэл хийж, шүүхийн шинэтгэлийн бодлого, үр дүнгийн талаар танилцуулан, иргэдийн санал бодлыг сонслоо.
Ховд аймгийн иргэдийн зүгээс шүүхийн шинэтгэлийн бодлогыг дэмжиж, Шүүхийн Ерөнхий зөвлөлөөс хийж, хэрэгжүүлж байгаа ажил, үйл ажиллагаагаа танилцуулж байгаад талархал илэрхийлж, ажлын амжилт хүсэж байлаа.
