Шүүхийн захиргааны ажилтан бэлтгэх сургалт эхэллээ

Нийтэлсэн: admin /  2017-10-02 өдөр

Шүүхийн захиргааны ажилтан бэлтгэх сургалт эхэллээ

 

"Шүүхийн захиргааны ажилтан бэлтгэх” сургалт Хууль зүйн үндэсний хүрээлэнгийн сургалтын танхимд өнөөдөр /2017.10.02/ эхэллээ.

Шүүхийн ерөнхий зөвлөлөөс Шүүхийн хүний нөөцийг бэлтгэх, шүүгч, ажилтныг чадавхжуулахад чиглэсэн "Шүүхийн хүний нөөцийн чадавхыг бэхжүүлэх” хөтөлбөрийг 2014 онд баталж, "Шүүхийн захиргааны ажилтан бэлтгэх тогтолцоог бүрдүүлэх” зорилгыг дэвшүүлсэн.

Энэ хүрээнд Шүүхийн ерөнхий зөвлөлөөс Хууль зүйн үндэсний хүрээлэнтэй хамтран уг сургалтыг хоёр дахь жилдээ зохион байгуулж буй юм.

Сургалтын зорилго нь шүүхийн захиргааны мэргэшсэн хүний нөөцийг бэлтгэх, шүүн таслах ажиллагаанд туслах чиг үүргийг хэрэгжүүлэх суурь мэдлэг, чадвар, хандлагыг төлөвшүүлэхэд чиглэх бөгөөд сургалт 75 цагийн танхимын сургалт, 160 цагийн шүүхэд хийх дадлагаас бүрдэнэ.

Сургалтыг Шүүхийн судалгаа, мэдээлэл, сургалтын хүрээлэнгийн захирал Ц.Мандах, Хууль зүйн үндэсний хүрээлэнгийн Сургалт, судалгааны төвийн эрхлэгч Түвшинтулга нар нээж, цогц хөтөлбөрийн дагуу цогц мэдлэг олгох онол-практик хосолсон сургалт гэдгийг онцолж, сургалтад оролцогчдод амжилт хүслээ.

Шүүхийн захиргааны ажилтан бэлтгэх сургалт эхэллээ

 

Сургалтад хууль зүйн их, дээд сургууль төгссөн 40 эрх зүйч хамрагдаж, шүүхийн захиргааны ажилтнаар мэргэшин суралцах юм.

Танхимын сургалтыг шүүгч, шүүхийн захиргааны сургагч багш нар, мэргэшсэн-туршлагатай шүүхийн захиргааны ажилтнууд удирдан явуулж, шүүх эрх мэдэл, шүүхийн захиргаа, шүүхийн тамгын газар, шүүхийн захиргааны ажилтан, шүүхийн үйлчилгээ, шүүхийн захиргааны ажилтны ёс зүй, харилцаа хандлага, эрүү, иргэн, захиргааны хэргийн хөдөлгөөн, стандарт, хэргийн хөдөлгөөний нэгдсэн систем, шүүх хуралдааны бэлтгэл хангах, тэмдэглэл хөтлөх, шүүхийн шийдвэр боловсруулах арга зүй, шүүхийн албан хэрэг хөтлөлт, шүүхийн мэдээллийн технологи, шүүхийн хэвлэл мэдээлэл, олон нийтийн харилцаа, шүүхийн аюулгүй байдал, шүүхийн архив зэрэг сэдвийн хүрээнд мэдлэг, ур чадвар олгох юм.

Танхимын сургалтын дараа суралцагчид нийслэл дэх анхан шатны шүүхүүдэд 4 долоо хоногийн турш дадлага ажил хийж, практик мэдлэг, ур чадвар эзэмшинэ.

Сургалтын төгсгөлд мэдлэг, ур чадварын шалгалтад тэнцсэн суралцагчдад "Шүүхийн захиргааны мэргэшсэн ажилтан” гэрчилгээг олгох ба энэ нь шүүхийн захиргааны байгууллагад ажилд ороход давуу тал болох боломжтой.

Энэ сургалт нь шүүхийн захиргаанд ажиллах хүсэл, эрмэлзэлтэй эрх зүйчдэд эзэмшвэл зохих суурь, мэдлэг, чадвар, хандлага олгож, шүүхийн захиргааны хүний нөөцийг мэргэшсэн ажилтнаар бүрдүүлэхэд чухал ач холбогдолтой.



 

 

ШҮҮХИЙН СУДАЛГАА, МЭДЭЭЛЭЛ, СУРГАЛТЫН ХҮРЭЭЛЭН



Шүүхийн Ерөнхий Зөвлөлийн мэдээлэл

Шүүхийн үйлчилгээг цахимаар үнэлэх боломж бүрдүүллээ
Шүүхийн үйлчилгээг цахимаар үнэлэх боломж бүрдүүллээ


  "Монгол Улсын шүүхийн мэдээлэл, санал асуулгын автомат ...

Шүүхийн захиргааны ажилтан бэлтгэх сургалт эхэллээ
Шүүхийн захиргааны ажилтан бэлтгэх сургалт эхэллээ


  "Шүүхийн захиргааны ажилтан бэлтгэх” сургалт Хууль ...

“Шүүхийн мэргэшсэн сэтгүүлч” сургалт эхэллээ
“Шүүхийн мэргэшсэн сэтгүүлч” сургалт эхэллээ


       Шүүхийн ерөнхий зөвлөлөөс жил бүр ...

Шүүхийн захиргааны ажилтан бэлтгэх сургалтад урьж байна
Шүүхийн захиргааны ажилтан бэлтгэх сургалтад урьж байна

  "ШҮҮХИЙН ЗАХИРГААНЫ АЖИЛТАН БЭЛТГЭХ” СУРГАЛТАД УРЬЖ БАЙНА Монгол Улсын Шүүхийн ерөнхий ...

Шүүгчийн амь нас, эрүүл мэндийн даатгалын гэрээ байгууллаа
Шүүгчийн амь нас, эрүүл мэндийн даатгалын гэрээ байгууллаа

         Шүүхийн ерөнхий зөвлөлийн дарга, доктор, профессор Н.Лүндэндорж ...

Эцэг хуулийн өөрчлөлтөд шүүх эрх мэдэл өртөх ёсгүй
Эцэг хуулийн өөрчлөлтөд шүүх эрх мэдэл өртөх ёсгүй

    Үндсэн хуулийн өөрчлөлтийн хэлэлцүүлэг орон даяар өрнөж байгаа энэ цаг үед ...

Шүүгчийн сонгон шалгаруулалтыг хойшлууллаа
Шүүгчийн сонгон шалгаруулалтыг хойшлууллаа

Шүүхийн ерөнхий зөвлөлийн даргын 2017 оны 85, 86 дугаар тушаалаар зарласан шүүгчийн сонгон ...

Шүүхэд салахаар хандаж байгаа гэр бүлийн 50 хувь нь эвлэрээд гардаг
Шүүхэд салахаар хандаж байгаа гэр бүлийн 50 хувь нь эвлэрээд гардаг

Ховд аймаг дахь анхан шатны шүүхийн эвлэрүүлэн зуучлагч Д.Алимаатай ярилцлаа.   -Та олон ...

МОНГОЛ УЛСЫН ШҮҮХИЙН 2017 ОНЫ ХАГАС ЖИЛИЙН ШҮҮН ТАСЛАХ АЖИЛЛАГААНЫ НЭГДСЭН ДҮН МЭДЭЭ
МОНГОЛ УЛСЫН ШҮҮХИЙН 2017 ОНЫ ХАГАС ЖИЛИЙН ШҮҮН ТАСЛАХ АЖИЛЛАГААНЫ НЭГДСЭН ДҮН МЭДЭЭ

Шүүхээр шийдвэрлэсэн эрүүгийн хэргийн тоо 43.3 хувиар, ял шийтгүүлэгчдийн тоо 39 хувиар өссөн ...

Зургийн цомог