Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
2-05-2019, 11:57   Хэсэг: Мэдээ мэдээлэл   Сэтгэгдэл: 0  

“ХУУЛЬЧИЙН ПРО-БОНО-2019” ӨДӨРЛӨГИЙГ ХОВД АЙМАГТ АМЖИЛТТАЙ ЗОХИОН БАЙГУУЛЛАА.


   Монгол Хуульчдын Холбооноос улс, орон даяар зохион байгуулсан “Хуульчийн Про-Боно-2019” өдөрлөг” Ховд аймгийн Ховд хотод Ард Аюушийн төв талбайд 2019.05.01-ны өдөр амжилттай зохион байгуулагдлаа.
 “Хуульчийн Про-Боно-2019” өдөрлөг”-ийг Монголын Хуульчдын Холбооны Ховд аймаг дахь салбар зөвлөлтэй хамтран, тус шүүхийн Тамгын газраас хамтран зохион байгуулсан бөгөөд Ховд аймаг дахь анхан болон давж заалдах шатны шүүхийн шүүгчид, шүүхийн Тамгын газрын шүүхийн захиргааны ажилтнууд бүрэн хамрагдан, оролцож, шүүхийн мэдээлэл лавлагааны алба иргэдээс нэхэмжлэл, хүсэлт хүлээн авч, иргэн, эрүү, захиргааны хэргийн шүүхийн шүүгчийн туслах, ажилтнуудад хэрэг маргааны төрлөөр нээлттэй өдөрлөгт хүрэлцэн ирсэн иргэдэд сонирхсон асуудлаар мэдээ, мэдээлэл өгч, шүүхийн үйл ажиллагааны талаар гарын авлага, борщуур, тараах материал, зурагт хуудсыг тарааж, иргэдээс шүүхийн үйлчилгээний талаар санал асуулгын хуудсаар санал асуулга авч, санал, хүсэлтийг шийдвэрлэн ажиллав.
Өдөрлөгийн үйл ажиллагаа өглөөний 9 цагт эхэлж, 17 цагт өндөрлөсөн бөгөөд Ховд аймгийн Үндэсний аюулгүй байдлыг хангах тусгайлсан чиг үүрэг бүхий байгууллагуудын төлөөлөл болон Ховд Их сургуулийн Нийгэм, Эрх зүйн сургуулийн 2-4 курсын оюутнууд, багш, эрхлэгч нар аймгийн хуульчид оролцож, өөрсдийн байгууллагын үйл ажиллагаагаа өргөнөөр сурталчилж ажиллалаа.
Өдөрлөгийн үйл ажиллагаанд аймгийн Шүүх, Прокурор, Цагдаа, Шүүхийн Шийдвэр Гүйцэтгэх байгууллага, Нийгмийн Даатгалын хэлтэс, Улсын Бүртгэлийн Хэлтэс, аймгийн ЗДТГ-ийн Хууль, эрх зүйн хэлтэс, аймгийн Хүүхэд, Залуучууд, Гэр бүлийн Хэлтэс, Хуульчдын холбооны салбар, Хүний Эрхийн Үндэсний Комиссын орон нутгийн төлөөлөгч болон өмгөөлөгч, нотариатчид, оюутан, сурагчид, бусад хуульчид оролцож, ард иргэдэд хуулийн хэрэгжилтийн талаар цогц мэдээ, мэдээллийг орон нутгийн иргэдэд шуурхай, нэг цэгээс хамтран хүргэж ажилласнаараа онцлог байлаа.  
Өдөрлөгийн үйл ажиллагааг орон нутгийн Ховд, Эко телевиз иргэдэд шууд нэвтрүүлж, сурвалжилан, ажилласан байна.

ШҮҮХИЙН МЭДЭЭЛЭЛ ЛАВЛАГААНЫ АЛБА
шаблоны для dle 11.2
Нийтэлсэн admin   Үзсэн: 90   |   Сэтгэгдэл: 0
ХЭВЛЭХ
Төсөөтэй мэдээлэл:
Шүүх хуралдааны тов болон тойм
Иргэн танд
Санал асуулга
 

Ярилцлага

Манай шүүхийн үйл ажиллагааны мэдээллийг ямар байдлаар хүлээн авах нь танд илүү тохиромжтой вэ?


 
 
Хандалт
«    May 2019    »
MonTueWedThuFriSatSun
 12345
6789101112
13141516171819
20212223242526
2728293031