ШҮҮХ БҮРЭЛДЭХҮҮН УЛСАД АНХ УДАА ТОМИЛОЛТООР АЖИЛЛАА
2015-07-09 14:52:34 | 91Баян-Өлгий, Увс, Ховд аймгийн Эрүүгийн хэргийн давж заалдах шатны шүүх Монгол Улсын шүүхүүдээс анх удаа Баян-Өлгий аймагт шүүгдэгчийн шүүх хуралд биечлэн оролцох хүсэлт гаргасны дагуу 2015 оны 07 дугаар сарын 06-08-ны өдрүүдэд томилолтоор очин Х.Жанаргүл, О.Кенжебекэ нарт холбогдох эрүүгийн хэргийн 2 шүүх хуралдааныг зохион байгуулж, Шүүхийн Ерөнхий зөвлөлийн 2015 оны 06 дугаар сарын 29-ны өдрийн 43 дугаар тогтоолоор батлагдсан \"Шүүх хуралдааны бэлтгэл хангах, шүүгч томилолтоор ажиллах нийтлэг журам”-ыг амжилттай хэрэгжүүлж, ажиллаа.
![\"\"](\"http://bukho.court.gov.mn/uploads/posts/medee/20150709/IMG_2474.JPG\")
Шүүх бүрэлдэхүүн Монгол Улсын шүүхүүдээс анх удаа томилолтоор ажиллаж байгаа үед Ховд аймаг дахь давж заалдах шатны шүүхийн Тамгын газар шүүн таслах ажиллагааны бэлтгэл ажлыг шуурхай ханган ажиллаж, Баян-Өлгий аймаг дахь анхан шатны шүүхийн Тамгын газартай нягт холбоотой ажиллаа. Шүүх бүрэлдэхүүнтэй 2015 оны 07 дугаар сарын 09-ны өдөр Ховд аймаг дахь давж заалдах шатны шүүхийн Тамгын газрын дарга Д.Даваасүрэн \"Шүүх хуралдааны бэлтгэл хангах, шүүгч томилолтоор ажиллах нийтлэг журам”-ыг хэрэгжүүлэхэд гарсан бэрхшээлт, цаашид анхаарвал зохих асуудлаар хамтарсан зөвлөгөөн хийж, холбогдох саналыг Шүүхийн Ерөнхий зөвлөлд хүргүүлээ.
Шүүхийн мэдээлэл лавлагааны алба