ХОВД АЙМАГ ДАХЬ ШҮҮХИЙН ТАМГЫН ГАЗАР

-1

“НЭЭЛТТЭЙ ШҮҮХ-АЛСЛАГДСАН СУМДАД” АРГА ХЭМЖЭЭГ ЗОХИОН БАЙГУУЛЛАА

2016-02-17 16:42:15 | 89

Ховд аймаг дахь давж заалдах шатны шүүхийн Тамгын газраас \"Нээлттэй шүүх-Алслагдсан сумдад” арга хэмжээг зохион байгуулах ажлын удирдамжийг боловсруулан Монгол улсын Шүүхийн Ерөнхий зөвлөлийн Гүйцэтгэх нарийн бичгийн даргаар батлуулан, \"Нээлттэй шүүх – Алслагдсан сумдад” арга хэмжээг 2016 оны 01 дүгээр сарын 21-ний өдрөөс 2016 оны 01 дүгээр сарын 25-ны өдрийн хооронд Ховд аймгийн Алтай, Үенч, Манхан, Зэрэг суманд зохион байгуулав.

Энэхүү ажлын зорилго нь: \"Шүүх байгуулах тухай хууль”-ийн хэрэгжилтийг хангах, Ховд аймгийн Манхан, Алтай, Үенч, Зэрэг сумын иргэдэд шүүхийн шинэтгэл, үйл ажиллагааны онцлогийн талаар танилцуулж, иргэдийн шүүхэд мэдүүлэх эрхийг хангах, шүүхийн мэдээллийг хүргэх ажлыг зохион байгуулах, тухайн орон нутгийн удирдлага, иргэдтэй уулзаж санаа бодлыг нь сонсох, \"Шүүх ба олон нийт хөтөлбөр”-ийг орон нутагт хэрэгжүүлэх, шүүх хуралд биечлэн оролцох болон онлайнаар шүүх хуралд хэрхэн оролцох талаар мэдээлэл өгөхөд чиглэгдэв.

\"Нээлттэй шүүх” арга хэмжээний үеэр Ховд аймаг дахь давж заалдах шатны шүүхийн Тамгын газрын дарга Д.Даваасүрэн сумдын удирдлагуудтай уулзаж, шүүхийн шинэтгэл, иргэдийн шүүхэд мэдүүлэх эрхийг хангах, төрийн байгууллагуудын хоорондын харилцааг хэрхэн шинэлэг байдлаар үр дүнтэй зохион байгуулж, хамтран ажиллах талаар санал солилцож, Алтай, Үенч, Манхан, Зэрэг сумдын Засаг Даргын Тамгын газрын ажилтан, төрийн албан хаагчидтай уулзаж, шүүхийн үйл ажиллагааны мэдээллийг \"Шүүхийн тухай багц хууль”-ийн хэрэгжилт, шүүхийн шинэтгэлийн эрхэм зорилго, мөн чанар хийгээд шүүхийн шинэчлэлийн хүрээнд 2015 онд гарсан 10 үр дүнг танилцуулж, дээрх 4 сумын 240 иргэн, төрийн албан хаагчдаас санал асуулгын хуудсаар шүүхийн үйл ажиллагааны талаар судалгаа авч, судалгааны үр дүнг дүгнэн суманд ажиллаж, амьдарч байгаа иргэдэд шүүхийн шинэчлэлийн мэдээллийг шуурхай хүргэх ажлын төлөвлөгөөнд тусган ажиллаж байна.

$\"\"$