Ажлын байрандаа эрүүл хэв маягийг эрхэмлэх, хөдөлгөөний хомсдлоос сэргийлэх, ажлын бүтээмжийг дээшлүүлэх зорилгоор Ховд аймаг дахь анхан болон давж заалдах шатны шүүхийн шүүгч ажилтнуудын дунд 2019 оны 1 дүгээр сарыг “Эрүүл амьдралын хэв маягийг бүрдүүлэх нь” аяны нэрэмжит сар болгох зорилт тавин, хэрэгжүүлэн ажиллаж байна.

Шүүгч ажилтнууд өглөө бүрийн 10 цаг 30 минутаас эхлэн, 15 минутын идэвхтэй дасгал, хөдөлгөөнийг шүүхийн байрандаа нийтээрээ хийж, тус шүүхийн шүүгчдээс сайхан бүтээмжтэй санаачлага гарган, өглөөний завсрын хооллолтын үеэр халуун чацарганаар шүүгч, ажилтнуудаа дайлж байгаа бөгөөд шингэний дутагдал, эрүүл, зөв хоололтыг эрхэмлэн, эмчийн урьдчилсан сэргийлэх үзлэгт хамрагдах ажил хийгдэж, ажлын бүтээмжээ дээшлүүлэн, сэтгэл хангалуун ажиллах нөхцлийг бүрдүүлэх аян амжилттай үргэлжилж байна.

Шударга ёсыг сэргээн тогтоох үйл хэрэгт сэтгэл оюунаа дайчлан хөдөлмөрлөж байгаа Монгол Улсын шүүхийн нийт шүүгч, ажилтнууддаа эрүүл энх, ажлын амжилтыг ерөөе.