“ЦАСТ-АЛТАЙ” ЦОГЦОЛБОР СУРГУУЛИЙН СУРАГЧДАД

СУРГАЛТ ЗОХИОН БАЙГУУЛЛАА.

      Ховд аймаг дахь шүүхийн Тамгын газрын 2019 оны “Иргэд, олон нийтэд чиглэсэн ажлын төлөвлөгөө”-нд тусгагдсаны дагуу 2019 оны 5 дугаар сарын 13-ны өдөр Цаст-Алтай цогцолбор сургуулийн ахлах ангийн сурагчдын төлөөллийг оролцуулан тус сургуулийн сургалтын танхимд сургалт зохион байгууллаа.

     Сургалтыг мэдээлэл лавлагааны мэргэжилтэн Ж.Уранцэцэг, шүүгчийн туслах О.Ням-Адъяа нар “Хууль, эрх үүрэг, хариуцлагын тухай ойлголт, гэмт хэргээс урьдчилсан сэргийлэх” сэдвээр удирдан явуулсан бөгөөд 2018 он болон 2019 оны эхний хагас жилийн байдлаар ял шийтгүүлсэн болон хохирогч болсон хүүхдийн харьцуулсан судалгааг танилцуулж, гэр бүлийн хүчирхийлэл гэж юу болох, хүчирхийллээс өөрсдийгөө болон найз нөхөд гэр бүлээ хамгаалах эрх зүйн орчин бүрдсэн талаар мэдээлэл өгч, сурагчидтай харилцан ярилцаж, асуултад нь хариулт өглөө.

     Мөн сурагчдад эрх зүйч мэргэжлийн давуу тал, онцлог болон шүүхийн үйл ажиллагааны талаар тодорхой мэдээлэл өгч, сурагчид сонирхсон асуултандаа хариулт авч, талархсан сэтгэгдлээ илэрхийллээ.

ШҮҮХИЙН МЭДЭЭЛЭЛ ЛАВЛАГААНЫ АЛБА